मंगलवार, कार्तिक १८ गते २०८३
- ट्रेण्डिङ :
- # समाज
- # मनाेरञ्जन
लुम्बिनी प्रदेशका निवर्तमान मुख्यमन्त्री शंकर पोखरेलसहित चार जनाविरुद्ध सांसद विमला वली खत्रीले दिएको किटानी जाहेरी प्रहरील दर्ता गर्न आलटाल गरेको माओवादी केन्द्रले आरोप लगाएको छ ।
साउन १५ गतेदेखि ५ दिनसम्म पोखरेल मुख्यमन्त्री रहँदा दाङबाट ल्याएर बुटवलमा आफूलाई बन्धक बनाएको भन्दै सांसद वलीले किटानी जाहेरी दिएकी थिइन् ।
प्रहरीले आलटाल गर्दै दर्ता नगरेको आरोप लुम्बिनी प्रदेशका माओवादी केन्द्रका मुख्य सचेतक तुलाराम घर्तीले बताए । दाङ रिफर गर्नुपर्ने भन्दै इलाका प्रहरी कार्यालय बुटवलले आलटाल गरेको उनको भनाइ छ ।
प्रहरीले जाहेर दर्ता समेत गर्न नमानेको बताएको मुख्य सचेतक घर्तीको भनाइ छ । अपहरण तथा शरीर बन्धक सम्बन्धी कानुनअनुसार पोखरेलसहित ४ जनालाई कारबाहीको माग गर्दै दुई दिनअघि वलीले प्रहरीसमक्ष किटानी जाहेरी दिएकी थिइन् ।
यो पनि ... "संवैधानिक इजलास बस्दै"
सर्वोच्च अदालतको संवैधानिक इजलास आज बस्दै छ । संवैधानिक नियुक्तिसम्बन्धी मुद्दामा प्रधानन्यायाधीश चोलेन्द्रशम्शेर जबरा बस्ने कि नबस्ने विवाद भएर सर्वोच्चको अन्तरिम आदेशबाटै सुनुवाइ रोकिएका बेला अन्य मुद्दाहरु हेर्न आज नियमित रुपमा संवैधानिक इजलास बस्न लागेको हो ।
सर्वोच्चमा बुधवार र शुक्रवार संवैधानिक इजलास बस्ने गर्छ ।
प्रधानन्यायाधीश जबराको नेतृत्वमा न्यायाधीशहरु दीपककुमार कार्की, मीरा खडका, हरिकृष्ण कार्की, ईश्वरप्रसाद खतिवडा सम्मिलित आजको इजलासमा १० वटा मुद्दा पेसीमा चढेको छ ।
जसमा ७ वटा त मन्त्रिपरिषद् तथा प्रधानमन्त्री कार्यालयविरुद्धका उत्प्रेषण मुद्दा छन् । अधिवक्ताहरु महेशकुमार श्रेष्ठ, मणिराम निरौला, अच्युतप्रसाद खरेल, मञ्जु सुवेदी, ले प्रधानमन्त्री कार्यालयलाई विपक्षी बनाएर मुद्दा दायर गरेका छन् ।
त्यसैगरी प्रभुनारायण ठाकुर, नेपाल श्रमिक आपूर्तिकर्ता संघको तर्फबाट अध्यक्ष रामेश्वर साह, जिफोरएस सेक्यूरिटी सर्भिसेज नेपालबाट तर्कराज भट्टले प्रधानमन्त्री कार्यालयविरुद्ध मुद्दा दायर गरेका छन् ।
