सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
माधव नेपाल अध्यक्ष रहेको नेकपा (एकीकृत समाजवादी) को महासचिव डा.बेदुराम भुसाल बन्ने निश्चित भएको छ । बिहीबार बिहान बसेको सचिवालयको बैठकमा भुसाललाई महासचिव बनाउने सहमति भएको हो ।
‘सचिवालय बैठकले महासचिवमा डा. भुसाललाई चयन गर्ने सहमति जुटेको छ, अव बस्ने केन्द्रीय कमिटी बैठकमा सचिवालयको सहमति प्रस्ताव पेस गरेर महासचिव घोषणा गरिन्छ,एक नेताले भने ।
महासचिवमा डा. भुसालसँगै नेताहरु मुकुन्द न्यौपाने, राजेन्द्र पाण्डे, गंगालाल तुलाधार, विजय पौडेल लगायतले आकांक्षा राखेका थिए ।
एकीकृत समाजवादीको अन्तरिम विधानमा १ जना अध्यक्ष, वरिष्ठ नेता १,उपाध्यक्ष ७, महासचिव १,उपमहासचिव २ र सचिव ७ गरी १७ जना पदाधिकारीसहित ११५ पुर्ण र ३६ बैकल्पिक गरी १५१ सदस्यीय रहने व्यवस्था गरेको छ ।
केन्द्रीय कमिटीभित्र केन्द्रीय पदाधिकारी र स्थायी कमिटी सदस्यसहित ५१ सदस्यीय पोलिटब्युरो र पदाधिकारीसहित २१ सदस्यीय स्थायी कमिटी रहने छ ।
"एकीकृत समाजवादी पार्टी र नेकपा एकीकृतबीच पार्टी एकीकरण गर्ने तयारी "
माधव कुमार नेपालले नेतृत्व गरेको नेकपा एकीकृत समाजवादी पार्टी र जीवन राईले नेतृत्व गरेको नेकपा एकीकृतबीच पार्टी एकीकरण गर्ने तयारी गरिएको छ । माधव कुमार नेपाललकोतर्फबाट जीवन राईलाई पार्टी एकताको प्रस्ताव गरिएको छ ।
एमालेले विवादको समयमा नेपाल समूहमा रहेको राईले आफ्नो नेतृत्वमा नेकपा एकीकृत दर्ता गराएका थिए । अनेरास्ववियुको उपाध्यक्षामा पराजित भएका राई पार्टीको राजनीतिकमा लागेपछि नेपाल निकट मानिन्छ । राईले नेतृत्व गरेको नेकपा एकीकृत पार्टीको चुनाव चिन्न कलम हो । भने नेपाल निकट मानिने खिमलाल देवकोटाले उपनिर्वाचनमा कलम चिन्ह लिएर उठेका थिए ।
नेकपा एसले चुनाव चिन्ह कलमसहित जीवन राईलाई समेटिन खोजेको छ । नेकपा एसकोजारी केन्द्रीय कमिटी बैठकमा पार्टीको नामसमेत परिवर्तन गर्नुपर्ने विषय उठेको छ । केन्द्रीय कमिटी बैठकमा नेकपा एकीकृत समाजवादी अप्ठेरो हुने र नेकपा एकीकृतमात्र राख्ने र जीवन राईलाई समेटेर जाने विषयमा छलफल भएको छ ।
