- ट्रेण्डिङ :
पोखरा । मन्त्रिपरिषद् विस्तार र पार्टीको १४औँ महाधिवेशनका विषयमा छलफल गर्न नेपाली कांग्रेसका पदाधिकारी र पूर्वपदाधिकारीहरूको बैठक आज पनि बस्दै छ ।
बैठक आज दिउँसो ३ बजे सिंहदरबारस्थित संसदीय दलको कार्यालयमा बैठक बस्ने छ ।
बैठकमा मन्त्रिपरिषद् विस्तार र पार्टीको १४औँ महाधिवेशनका विषयमा छलफल हुने बताइएको छ ।
वरिष्ठ नेता रामचन्द्र पौडेल पक्षले बैठकमा आफ्नो समूहले पाउने मन्त्रालयको संख्या माग गर्ने र भागबन्डा टुंगो लगाउन दबाब दिने तयारी गरेको बताइएको छ ।
कांग्रेस पदाधिकारी र पूर्वपदाधिकारी नेताहरूले हिजो पनि छलफल गरेका थिए ।
"कांग्रेस अधिवेशनः दसैँअघि पालिका र वडाको निर्वाचन सम्पन्न गर्ने"
नेपाली कांग्रेसले १४ औं महाधिवेशनअन्तर्गतका विभिन्न अधिवेशन तालिका फेरि परिवर्तन गर्ने भएको छ ।
बुधबार सिंहदरबारमा बसेको पदाधिकारी बैठकले विभिन्न अधिववेशन सार्ने सहमती गरेको हो ।
बैठकपछि सञ्चारकर्मीसँग बोल्दै वरिष्ठ नेता रामचन्द्र पौडेलले विभिन्न अधिवेशन तालिका परिवर्तन भएको जानकारी दिएका छन् ।
उनले भने, ‘दसैं अगाडि पालिका तहको अधिवेशनमात्रै सम्पन्न हुने गरी कार्यतालिका फेरबदल हुने सहमति भएको छ ।’
यसअघि असोज ९ गते पालिका, १२ गते प्रदेश निर्वाचन क्षेत्र, र १५ गते जिल्ला अधिवेशनसहित अन्य अधिवेशन गर्ने कार्यतालिका सार्वजनिक गरिएको थियो ।
जसमध्ये असोज ९ गतेका लागि निर्धारित पालिकास्तरीय अधिवेशन तोकिएकै समयमा हुने र अन्य अधिवेशन भने थाती रहने भएको छ ।
