एजेन्सी । एअर इन्डियाको यात्रुवाहक विमान दक्षिण भारतीय राज्य केरलास्थित एक विमानस्थलमा दुर्घटना हुँदा १७ जनाको मृत्यु भएको छ ।
संयुक्त अरब इमिरेट्सको दुबईबाट आएको एअर इन्डियाको विमान अवतरणका क्रममा दुर्घटना भएको हो । १ सय ९० जना यात्रु बोकेको एयर इन्डियाको विमान केरलाको कोझिकोड विमानस्थलमा अवतरणका क्रममा दुर्घटना हुँदा २ पाइलटसहित १७ जनाको ज्यान गएको हो । सो विमान अवतरण गर्ने क्रममा चिप्लिएको बीबीसीले जनाएको छ ।
बिमानमा १० जना बालबालिका समेत सवार रहेका थिए । यो दुर्घटनामा १६० जना घाइते भएका छन भने उनीहरुको बिभिन्न अस्पतालमा उपचार गरिएको बिबिसीको समाचारमा उल्लेख छ । घाइतेमध्ये करिव २५ जनाको अवस्था गम्भिर रहेको बताइएको छ ।
बिमानमा सवार २८ यात्रु भिजा सकिएर फर्केका र २६ यात्रु छुट्टीमा फर्केका उल्लेख गरिएको छ ।
