शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
पोखरा । नेकपा एमालेको केन्द्रीय कमिटी बैठक तुलसीलाल स्मृति प्रतिष्ठान, च्यासलमा सुरु भएको छ ।
बैठकमा आसन्न विधान महाधिवेशनमा पेश गर्ने राजनीतिक र सांगठनिक प्रतिवेदन तथा विधान संशोधनको प्रस्तावमाथि छलफल हुनेछ ।
यद्यपि कतिपय नेताहरुले बैठक अघि मात्र दस्तावेजहरु पाएका छन् । साथै स्थायी कमिटीमा भएको छलफलका आधारमा प्रस्तावहरुमा संशोधन नभएकाले आजको बैठकमा त्यसबारे जानकारी गराइने अध्यक्ष केपी शर्मा ओलीले जानकारी दिएका छन् ।
एमाले एमसीसीको पक्षमा छ : केन्द्रीय सदस्य प्याकुरेल
नेकपा (एमाले)का केन्द्रीय सदस्य तथा राष्ट्रियसभा सदस्य सुमन प्याकुरेलले माधव नेपालले शेरबहादुर देउवालाई सोधेर पार्टी खोलेको आरोप लगाएका छन् ।
सहीद कृष्णबहादुर स्याङतानको स्मृति दिवसमा सहभागी हुन महोत्तरी पुगेका नेता प्याकुरेलले देउवालाई प्रधानमन्त्री बनाउन भूमिका खेलेका नेपाल कुनै हालतमा कम्युनिस्ट हुन नसक्ने जिकिर गरे ।
माधव नेपालको पार्टी विभाजनले आफूहरूलाई तीन प्रतिशत पनि असर नपरेको उनले बताए । उनले एमालेबाट प्रदेशसभा छोड्नेहरू पनि समानुपातिक सांसद रहेको उनले बताए ।
उनले कांग्रेसभन्दा आफूहरू बलियो रहेको बताएका छन् । एमसीसीको विषयमा अनावश्यक हल्ला नगर्न उनको आग्रह छ । उनले एमाले एमसीसीकै पक्षमा रहेको बताए ।
एमसीसी जनताको हितमा छ । यसको विरुद्धमा नबुझेर अनावश्यक हल्ला गर्नु आवश्यक छैन, उनले भने ।
प्रतिनिधिसभा बारे बोल्दै उनले सभामुखले आत्मआलोचना नगरेसम्म एमालेले बैठक बहिष्कार नै गरिरहने बताए ।
नेकपा एमालेले बैठकलाई बहिष्कार गर्दागर्दै पनि संसदबाट बजेट, नीति तथा कार्यक्रम पास गराउनु "दुःख"द भएको नेता पोखरेलको भनाइ छ ।
