आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
एकिकृत अखिल नेपाल शिक्षक संगठन मंगला गाउँपालिका परिषद् शनिबार सम्पन्न भएको छ । परिषद्ले रमेश सुवेदीको अध्यक्षतामा २१ सदस्यीय पालिका कमिटी निर्वाचित गरेको छ ।
वरिष्ठ उपाध्यक्षमा गणेश गिरि, उपाध्यक्ष ख बहादुर किसान,महिला उपाध्यक्ष विष्णु माया रोका, सचीव वीर बहादुर तरामी, सहसचिव सन्तोष गिरि, अर्थ सचीव बलिभद्र गौतम रहनु भएको छ ।
माओवादी केन्द्र गण्डकी प्रदेश कमिटी सदस्य टेकबहादुर बिक, एकीकृत अखिल नेपाल शिक्षक संगठन म्याग्दीका अध्यक्ष होमनाथ पाण्डे, प्रदेश सदस्य गौदेवी पुर्जा, शिक्षक महासंघ म्याग्दीका सहअध्यक्ष कृष्णलाल सापकोटा र माओवादी पालिका अध्यक्ष याम रोका उपस्थित रहेको थियो ।
त्यस्तै यु कुमारी गिरि रोकाको अध्यक्षतामा १७ सदस्यीय महिला बिभाग गठन भएको छ । भने बिष्णुमाया रोकाको अध्यक्षतामा बाल शिक्षक बिभाग र गौमती रोकाको अध्यक्षतामा कर्मचारी बिभाग तथा इन्चार्ज र सह-इन्चार्जमागम बहादुर खत्री , महेन्द्र के.सीले जिम्मेवारी पाउनु भएको छ ।
त्यस्तै : एकिकृत अखिल नेपाल शिक्षक संगठन धवलागिरी गाउँपालिका परिषद् शनिबार सम्पन्न भएको छ । परिषद्ले नेत्र सुवेदीको अध्यक्षतामा २१ सदस्यीय पालिका कमिटी निर्वाचित गरेको छ ।
उपाध्यक्षमा प्रकाश बुढाथोकी , सचीवमा रुपेश सुवेदी , कोषाध्यक्ष सरस्वती नेपाली र सहसचिवमा न्याउलीमाया छन्त्याल रहनु भएको छ ।
संगठनका जिल्ला प्रतिनिधि चुडामणि सापकोटाको प्रमुख आतिथ्यतामा भएको परिषदमा नेकपा माओवादी केन्द्रका जिल्ला सदस्य खुमनाथ सुवेदी, किरण थापा, रिमप्रकाश थापा, खम बहादुर थापा र भेष गौतमले मन्तव्य व्यक्त गर्नु भएको थियो ।
