आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
नेकपा एकीकृत समाजवादीकी सचिव रामकुमारी झाँक्रीले अब सरकारमा सहभागी हुन बाटो खोलिएको धारणा राखेकी छन् ।
शनिबार विराटनगरमा सञ्चारकर्मीहरुसँगको कुराकानीमा राजनीतिक दलसम्बन्धी अध्यादेशको विरुद्धमा परेको रिटमा शुक्रबार सर्वोच्च अदालतले अन्तरिम आदेश नदिएपछि सरकारमा जाने बाटो खुला भएको उनले धारणा राखिन् ।
उनले भनिन्, ‘हिजोदेखि मुद्दा किनारा लाग्यो, रिटको पक्षमा अन्तरिम आदेश जारी भएन ।
मु्द्दा लामो प्रोसेसमा गयो भनेपछि एउटा समयमा पुगेपछि रिट खारेजीको प्रक्रियामा गयो । यसले हामीलाई बाटो खुल्यो ।’
त्यसो भए अब कहिले सरकारमा सहभागी हुनुहुन्छ त भन्ने सञ्चारकर्मीको प्रश्नमा उनले अब छिट्टै सरकारमा सहभागी हुने बताइन् ।
नेतृ झाँक्रीले पार्टीको विभिन्न तहको कमिटी गठन गर्ने र सरकारमा सहभागी विषयमा पार्टी अघि बढ्ने पनि बताइन् ।
साथै, प्रदेश १ र बागमती प्रदेशमा पनि छिटै सरकार परिवर्तन हुने पनि उनको भनाइ छ ।
