- ट्रेण्डिङ :
नेपाली बजारमा आज सुनको मूल्य प्रतितोला तीन सयले घटेको छ । छापावाल सुन सोमबार प्रतितोला ८९ हजारमा ३०० मा कारोबार भएको थियो ।
नेपाल सुनचाँदी व्यवसायी महासंघले सार्वजनिक गरेको तथ्यांकनुसार छापावाल सुनको मूल्य प्रतितोला ८९ हजार तोकिएको छ । त्यस्तै तेजाबी सुनको मूल्य प्रतितोला ८८ हजार ५ सय ५० कायम गरिएको छ ।
तेजाबी सुन सोमबार प्रतितोला ८८ हजार ८ सय ५० मा कारोबार भएको थियो । महासंघका अनुसार चाँदीको मूल्य सोमबारको तुलनामा आज प्रतितोला पाँचले घटेको छ ।
सोमबार प्रतितोला एक हजार १ सय ६० मा कारोबार भएको चाँदीको मूल्य आज प्रतितोला एक हजार १ सय ५५ तोकिएको छ । अन्तर्राष्ट्रिय बजारमा हुने सुनचाँदी कारोबार मूल्यका आधारमा नेपालमा महासंघले सुन तथा चाँदीको मूल्य तोक्ने गर्दछ ।
अन्तरराष्ट्रिय बजारमा आज सुन प्रतिऔँस एक हजार ७ सय ५१ दशमलव ४९ अमेरिकी डलरमा कारोबार भइरहेको छ ।
