आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
नेकपा माओवादी केन्द्रका अध्यक्ष पुष्पकमल दाहाल प्रचण्डको सल्लाहअनुसार स्थायी समिति सदस्य वर्षमान पुन थप उपचारका लागि भोलि बिहान थाइल्याण्डको बैंकक जाने भएका छन् ।
जण्डिस रोगबाट पीडित नेता पुनको स्वास्थ्यमा पछिल्लो समय फेरि समस्या देखिएको थियो ।
सो समस्यापछि भोमिट हुने, ज्वरो आउने जस्ता समस्या देखिएपछि उनलाई ललितपुरस्थित सुमेरु अस्पतालमा उपचार गरिएको थियो ।
अध्यक्ष प्रचण्ड सोमबार नेता पुनको स्वास्थ्य अवस्था बुझ्न निवासमै पुगेका थिए । जण्डिसको मात्रा नघटेकाले माओवादी अध्यक्ष प्रचण्डले नै नेता पुनलाई बैंकक गएर थप उपचार गर्न सुझाव दिएका थिए ।
अध्यक्ष प्रचण्डको सल्लाहअनुसार नै थप उपचारका लागि बैंकक लैजाने तयारी गरिएको नेता पुनका स्वकीय सचिव सन्तोष पुनले जानकारी दिए ।
झण्डै दुई वर्षअघि पनि नेता पुन जण्डिसका कारण गम्भीर विरामी परेपछि थाईल्याण्डको बु्रमुङगार्ड अस्पतालमा उपचारका लागि लगिएको थियो । त्यहाँ उनको झण्डै एक महिना उपचार गरेपछि नेपाल ल्याईएको थियो ।
