एजेन्सी । भारतीय विदेशमन्त्री एस.जयशंकरले गौतम बुद्ध भारतीय भएको दावी गरेका छन् । भारत चीन सम्बन्धमा शनिबार भर्चुअल सम्मेलनका क्रममा जयशंकरले गौतम बुद्ध भारतीय भएको दावी गरेका
भारतीय सञ्चारमाध्यमले जनाएका छन् ।
कार्यक्रमलाई सम्बोधन गर्दै उनले संसारले बुद्धलाई भारतीय भनेर चिन्ने गरेको बताए । उनले भने, ‘हामीले महान भारतीय भनेर चिन्ने गौतम बुद्ध र महात्मा गान्धीलाई हो । हामीले मात्र होइन यी दुईलाई विश्वले नै महान भारतीयका रुपमा चिन्छ ।’
भारतले पटक पटक गौतम बुद्धको जन्मस्थल लुम्बिनी भारतमा पर्ने दावी गर्दै आएको छ । त्यो दावीलाई पुष्टि गर्न भारतले नक्कली कपिलबस्तुसमेत बनाएको छ । भारतीय प्रधानमन्त्री नरेन्द्र मोदीले पनि दुई वर्षअघि संयुक्त राष्ट्रसंघ महासभालाई सम्बोधन गर्दै बुद्ध भारतमा जन्मिएको बताएका थिए ।
नेपाल सरकारले प्रभावकारी कदम चाल्न नसक्दा उत्तरको छिमेकी चीनका विभिन्न सांस्कृतिक सहर र पश्चिमा देशमासमेत गौतम बुद्ध भारतमा जन्मिएको भनेर अध्यापनसमेत हुने गरेको छ ।
