आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
नेकपा (एमाले)का नेता भानुभक्त जोशी नेकपा (एकीकृत समाजवादी) पार्टीमा प्रवेश गरेका छन् । बिहीबार काठमाडौँमा आयोजित एक कार्यक्रममा अध्यक्ष माधवकुमार नेपालसहितका नेताहरुले जोशीलाई स्वागत गरेका छन् ।
एकीकृत समाजवादीमा प्रवेश गनुएअघि जोशीले एमाले केन्द्रीय सदस्यबाट राजीनामा दिएको पत्र बाचन गरेका थिए । एमाले नीति, सिद्धान्तबाट विचलित भएकाले आफूले एकीकृत समाजवादीमा आवद्ध हुने निर्णय लिएको उनले बताए ।
जोशीले अघि भने,“म इमान्दारिपूर्वक र क्षमताले भ्याएसम्म पार्टी काममा आजकै दिनदेखि लाग्ने छु । नेकपा (एकीकृत समाजवादी) पार्टीका अध्यक्ष माधवकुमार नेपालले नेकपा (एमाले) र त्यसका अध्यक्ष केपी शर्मा ओली कम्युनिस्ट आन्दोलनबाट च्युत भइसकेको आरोप लगाएका छन् ।
बिहीबार एमाले केन्द्रीय सदस्य भानुभक्त जोशीलाई एकीकृत समाजवादीमा स्वागत गर्दै उनले यही असोज १५ देखि १७ गतेसम्म गरेको पहिलो विधान महाधिवेशनलाई तमासाको संज्ञा पदएका हुन् ।
एमालेमा कुनै विचार, सिद्धान्त र दृष्टिकोण नरहेको बताउँदै अध्यक्ष नेपालले पतनको दिशामा पुगिसकेको पनि उल्लेख गरेका छन् । “नेकपा एमाले पतनको दिशामा गइसकेको छ,” उनले भने,“अन्तिम प्रयास गर्दा पनि यो पार्टीलाई ठिक ठाउँमा ल्याउन नसकिने निष्कर्ष हामीले निकालेका थियौँ ।
अहिले भानुभक्त कमरेडले पनि त्यही निचोड निकाल्नुभयो ।” अध्यक्ष नेपालले गोदावरीमा सम्पन्न विधान महाधिवेशनलाई पनि तमासाको संज्ञा दिए ।
“पछिल्लो पटक एमालेले गरेको विधान महाधिवेशनको तमासाबाट यसलाई सुधार्न नसकिने भयो भनेर कमरेड भानुभक्त जोशी एकीकृत समाजवादीमा प्रवेश गर्नुभएको छ,” नेपालले भने,“उनीहरुले सबैतिर भ्रम फैल्याइरहेका छन् ।
एमालेको भ्रममा बसिरहेको त्यो पंक्तिमा पनि सत्यतथ्य कुरा पुर्याउनुपर्ने आवश्यकता छ ।”
