सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले एमाले अध्यक्ष तथा पूर्व प्रधानमन्त्री केपी शर्मा ओलीलाई आफु र आफुनो पार्टीविरुद्ध अझै चलखेल गर्न खोजे राजनीतिबाटै बाहिर निकालिदिने चेतावनी दिएका छन् ।
शनिबार पश्चिमनवलपरासीको पाल्हीनन्दन गाउँपालिकाको नवनिर्मित भवन उद्घाटनमा बोल्दै प्रचण्डले आफू र आफ्नो पार्टीलाई धोका दिएका कारण ओलीलाई बालुवाटारबाट बालकोट पुर्याएको बताए ।
‘म र मेरो पार्टीलाई धोका दिएकै कारण ओलीलाई बालुवाटारबाट बालकोट पु¥याएको हो अझै पनि चलखेल गरे राजनीतिबाटै बाहिर निकालिदिन सकिन्छ’, प्रचण्डले भने ।
‘ओलीकै घमण्डका कारण गण्डकी र लुम्बिनीको सरकार गुम्यो । २/४ दिनमा बागमती र प्रदेश १ बाट पनि बाहिरिदैछ । अब पनि चलखेल गर्नखोजे राजनीतिबाटै बाहिर गर्दिन्छु, अति गरेपछि खति हुन्छ ।’
प्रचण्डले हिन्दीमा भाषण गरेका थिए । उनले मधेसी जनताको अधिकारका लागि आफू संघर्षरत रहेको पनि बताए । ‘मधेसी जनता मेरा प्रेमिका हुन् कहिलेकाहीँ भिलेन आएर प्रेमलाई तोड्न खोज्छन् ।
म निरन्तर तपाईहरुकै अधिकारका लागि लडिरहेको छु’, प्रचण्डले भने । मधेसको प्रमुख समस्या नागरिकता रहेको पनि प्रचण्डले बताए ।
उनले त्यो समस्या केही हप्तामै समाधान हुने पनि आश्वासन दिए । तराई मधेसको अर्को समस्या सुकुम्बासी र भूमिहीन समस्या रहेकाले त्यसको समाधानका लागि जिल्ला तहमा आयोग गठन गरेर चुनावअघि पूर्जा वितरण गर्ने पनि प्रचण्डको भनाई थियो ।
