- ट्रेण्डिङ :
आइतबार नेपाली बजारमा सुनको मूल्य बढेको छ । नेपाल सुनचाँदी व्यवसायी महासंघका अनुसार आइतबार छापावाल सुनको मूल्य प्रतितोला एक सय रुपैयाँले बढेर ९० हजार ७ सय रुपैयाँ कायम भएको हो ।
यसैगरी, महासंघले तेजाबी सुनको मूल्य तोलाको ९० हजार २ सय ५० रुपैयाँ निर्धारण गरेको छ ।
गत शुक्रबार छापावाल सुनको मूल्य तोलाको ९० हजार ६ सय रुपैयाँमा कारोबार भएको थियो । यसैगरी, तेजावी सुनको मूल्य तोलाको ९० हजार १ सय ५० रुपैयाँ रहेको थियो ।
महासंघले आइतबार छापावाल सुन प्रति १० ग्राम ७७ हजार ७ सय ६० रुपैयाँ कायम गरेको छ भने तेजाबी प्रति १० ग्राम ७७ हजमर ३ सय ३५ रुपैयाँ कायम गरेको छ ।
यता, चाँदीको मूल्य पनि प्रतितोला पाँच रुपैयाँले बढेर एक हजार एक सय ७५ रुपैयाँ कायम भएको छ ।
शुक्रबार चाँदीको मूल्य प्रतितोला एक हजार एक सय ७० रुपैयाँ रहेको थियो । त्यस्तै, चाँदीको मूल्य प्रति १० ग्राम एक हजार सात रुपैयाँ ५० पैसा कायम भएको महासंघले जनाएको छ ।
