- ट्रेण्डिङ :
पोखरा । प्रधानमन्त्री शेरबहादुर देउवाले गण्डकी प्रदेशलाई साक्षर प्रदेश घोषणा गरेका छन ।
आइतबार पोखरामा गण्डकी प्रदेशलाई साक्षर प्रदेश घोषणा गर्ने कार्यक्रममा बोल्दै प्रधानमन्त्रीले संघीयता कार्यान्वयन गर्न बाँकी रहेको बताए । संघीयताको कार्यान्वयनबाट छिटो–छरितो विकासका काम अघि बढाउन सकिने उनको भनाइ थियो ।
त्यसक्रममा उनले गण्डकी विद्वानहरुको उद्गमस्थल रहेको बताउँदै शिक्षा पाउनु सबैको अधिकार भएको बताएका छन्। 'गण्डकी विद्वानहरुको उद्गमस्थल हो। शिक्षा नागरिकको मौलिक हक हो। सबै नागरिकलाई साक्षरता र शिक्षाका लागि अवसरहरु सुनिश्चित गर्नु राज्यको प्रमुख कर्तव्य हो' उनले भने।
सरकारले दायित्व बोध गरेर शिक्षाको समान अवसर र गुण्स्तर विस्तार गर्न लागेको देउवाले बताए।
देउवाले भने, ' सरकारले शिक्षालाई क्रमश अनिवार्य र नि:शुल्क गर्दै जाने नीति तथा कार्यक्रम अवलम्बन गर्दै आएको छ। देउवाले प्रजातन्त्रको खिलाफमा कसैले पनि सोच्न नहुने बताए । वर्तमान राजनीतिक व्यवस्थाप्रति जनता असन्तुष्ट नभएको देउवाको संकेत थियो । “जनताले भोटबाट देखाउँछ भन्छन्, प्रजातन्त्रको विकल्प प्रजातन्त्रै हो ।
सबैले सुने हुन्छ, यसको विकल्प कोही हुन सक्दैन,” उनले भने, “कसैले प्रजातन्त्रको खिलाफमा नसोचे हुन्छ ।” प्रधानमन्त्री देउवाले संघीयता कार्यान्वयन गर्न बाँकी रहेको बताए ।
