शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
कास्कीको घान्द्रुकमा भएको जीप दुर्घटनामा मृ'त्यु भएकाहरुको नामावाली सर्वाजनिक गरिएको छ । गण्डकी प्रहरी प्रदेशले बिज्ञप्तिमार्फत उक्त दुर्घटनामा ८ जनाको मृ'त्यु, १ जना घाईते भएको जनाएको छ ।
सोमबार असोज २५ गते अन्दाजी १३ः ३० बजेको समयमा जिल्ला कास्की अन्नपूर्ण गाउँपालिका-१० हुदुमा दुर्घटना भएको जनाएको छ ।
नयाँपुलबाट घान्द्रुक तर्फ जाँदै गरेको ग १ ज ६९०० नम्बरको बोलेरो जीप आफै अनियन्त्रित भई पोखरा घान्द्रुक कच्ची सडक खण्डको कलडाँडा भिरको घुम्ती सडकबाट दुई सय मिटर तल खस्दा ८ जनाको घटनास्थलमै मृत्यु भएको प्रहरीले जनाएको छ ।
मृत्यु हुनेमा जिप चालक जिल्ला कास्की अन्नपुर्ण गाउँपालिका-५ नयाँपुल बस्ने वर्ष ४२ को खुसीमान क्षेत्री, जिल्ला काठमाण्डौ महानगरपालिका-३ गंगबु घर भई पोखरा घुम्न आएको वर्ष १८ को जिनलव घिसिङ, वर्ष २४ की सुजा चौधरी, वर्ष २० की लिजा चौधरी, वर्ष २० को सुमन चौधरी वर्ष २२ को अछुतम काफ्ले, वर्ष १८ को आशिष आले रहेका छन् ।
त्यस्तै गोरखा घर भई हाल काठमाडौं महानगरपालिक—३ गंगबु बस्ने वर्ष २७ को विनय क्षेत्री रहेका छन् । प्रहरीका अनुसार १ जना घाईते भएका छन् । घटनाको विषयमा थप अनुसन्धान भईरहेको प्रहरी नायब उपरीक्षक श्रवण कमार विश्कर्माले जानकारी दिएका छन् ।
