- ट्रेण्डिङ :
धनगढी । महाकाली नदीमा अहिलेसम्मकै भी'षण बा'ढी आउदा तटीय क्षेत्रका दुई सय घर डुबानमा परेका छन् ।
महाकालीसँगै जोगबुढा नदीमा आएको बा'ढीले कञ्चनपुरको भीमदत्त नगरपालिकाको वडा नम्बर ९, १२ र १३ तथा दोधाराचाँदनी नगरपालिका वडा नम्बर १० को कुतियाकबर क्षेत्रका दुई सय घर डु'बानमा परेको हो ।
कञ्चनपुरका प्रमुख जिल्ला अधिकारी रामप्रसाद पाण्डेका अनुसार बाढीले चार लेनको महाकाली पुललाई जोड्ने पहुँच मार्गका रुपमा निर्माण भइरहेको ६ लेनको सडकमा समेत क्ष'ति पुर्याएको छ ।
नदीमा पानीको बहाव बढ्दो क्रममा रहेकाले जो'खिमयुक्त क्षेत्रका बासिन्दालाई सुरक्षित स्थानमा सार्ने काम जारी रहेको उहाँले बताउनुभयो ।
आइतबारदेखि सुदूरपश्चिमका पहाडी जिल्लामा भइरहेको लगातारको वर्षापछि महाकाली लगायतका नदीहरुमा बाढी आएको छ । हालसम्म मानवीय क्ष'ति भने नभएको स्थानीय प्रशासनले जनाएको छ ।
मंगलबार बिहान महाकालीमा पानीको सतह बढेर तीन लाख ९१ हजार क्युसेक मापन भएको थियो ।
