- ट्रेण्डिङ :
सुर्खेत । हुम्लाको खार्पुनाथ गाउँपालिका- ४ खर्पेलगाउँमा पहिरोले घर भत्किँदा एकै परिवारका ४ जनाको मृत्यु भएको छ । गएराति ८ बजेतिरको सो घटनामा दुईजना बेपत्ता भएका छन् ।
धनवीरे शाहीको घरमा पहिरो खस्दा उनीसँगै कलबहादुर शाही, श्रीमती आशा शाही र उनका १४, ५ र ३ वर्षीय छोरा पुरिएका थिए । कलबहादुर शाही श्रीमती आशा र २ छोरासमेत ४ जनाको मृत्यु भएको जिल्ला प्रहरी कार्यालय हुम्लाले जनाएको छ ।
पहिरोमा धनवीरे शाही र १४ वर्षीय छोरा अलेन्द्र शाहीको खोजी भइरहेको जिल्ला प्रहरी कार्यालय हुम्लाका डीएसपी हेरम्ब शर्माले बताए ।
रातिको घटना भएकाले उद्धारमा वाधा भएको र अहिले संयुक्त सुरक्षा टोलीले उद्धार गर्दा ४ जना मृत भेटिएको साथै बेपत्ता बाँकी २ जनाको खोजी भइरहेकी डीएसपी शर्माले जानकारी दिए ।
