- ट्रेण्डिङ :
नेपालमा पछिल्लाे २४ घन्टाको अवधिमा ६६२ जना कोरोना भाइरस संक्रमित थपिएका छन् भने १३ जनाको मृत्यु भएको छ ।
पछिल्लो २४ घन्टामा देशभर ७ हजार २२ आरटी पिसिआर र १ हजार ४०४ एन्टिजेन गरी कुल ८ हजार ४२६ जनामा परीक्षण गरिएकोमा ६६२ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
हाल देशभर ११ हजार ५७९ जना संक्रिय संक्रमित छन् । संक्रमितहरूमध्ये १० हजार ७२२ जना होम आइसोलेसनमा, ८०७ संस्थागत आइसोलेसनमा रहेका छन् ।
यस्तै मुलुकभरका विभिन्न अस्पतलाको आइसियूमा २७६ जना र भेन्टिलेटरमा १०४ जना उपचाररत छन् । मन्त्रालयकाअनुसार बुधबार देशभरबाट ७५८ जना कोरोना संक्रमणमुक्त भएर फर्किएका छन् ।
योसँगै कोरोना जितेर फर्कनेको संख्या ७ लाख ८४ हजार १५५ पुगेको छ ।
निको हुने दर ९७.१ प्रतिशत छ । पछिल्लो २४ घन्टाको अवधिमा १३ जनाको संक्रमणबाट मृत्यु भएको भएको छ । योसँगै हालसम्म मृत्यु हुनेको संख्या ११ हजार ३१८ पुगेको छ ।
