- ट्रेण्डिङ :
महाकाली नदीमा डुङ्गा दुर्घटना हुँदा एक जनाको ज्यान गएको छ । एक जना हराइरहेका छन् ।
बैतडीको शिवनाथ–१ खाँडघाटको नदी किनारमा हिजो बेलुका डुङ्गा पल्टिँदा शिवनाथ गाउँपालिका–१ की १३ वर्षीया मीना साउदको ज्यान गएको हो । उनका भाइ आठ वर्षका सन्दीप बेपत्ता छन् ।
गाउँपालिका अध्यक्ष कर्णसिंह साउदका अनुसार मीनाका आमाबुवासहित आठ जना सकुशल छन् । डुङ्गामा चालकसहित १० जना थिए । लामो समयदेखि भारतमा बस्दै आएको मीनाका परिवार दशैँ मनाउन गाउँ आएको थियो ।
दशैँ मानेर हिजो भारत फर्किने क्रममा डुङ्गा दुर्घटना भएको गाउँपालिका अध्यक्ष कर्णसिंह साउँदले बताउनुभयो ।
बैतडीको शिवनाथ र पञ्चेश्वर गाउँपालिकाका बासिन्दा भारतसँग जोडिएका तथा भारततर्फ आवतजावत गर्दा पुल नहुँदा महाकाली नदीमा डुङ्गाको सहायताले वारपार गर्ने गर्दछन् ।
