- ट्रेण्डिङ :
हाल नेपालको मौसममा प्रभाव पार्ने उल्लेखनीय मौसमी प्रणाली छैन ।
आज बिहान पहाडी भूभागको मौसममा आंशिकदेखि सामान्य बदली भएको छ । बाँकी क्षेत्रको मौसम सामान्यतया सफा रहेको मौसम पूर्वानुमान महाशाखाले जनाएको छ ।
आज दिउँसो प्रदेश १ र गण्डकी प्रदेशका एक, दुई स्थानमा हल्का वर्षाको सम्भावना रहेको छ । ती प्रदेशका हिमाली भूभागका एक वा दुई स्थानमा हिमपातको पनि आँकलन गरिएको छ ।
त्यस्तै आज राति प्रदेश १, बागमती र गण्डकीको मौसममा आंशिकदेखि सामान्य बदली हुनेछ । अन्य प्रदेशको मौसममा आंशिक बदली रहने महाशाखाले जनाएको छ ।
सोमबार प्रदेश १ र गण्डकी प्रदेशका हिमाली क्षेत्रमा हल्का हिमपातको सम्भावना रहेको मौसम पूर्वानुमान महाशाखाले जनाएको छ ।
