- ट्रेण्डिङ :
मयूरपाटी- पश्चिम रुकुम चौरजहारीको सामुहिक नरसंहार लगाएत देशको बिभिन्न ठाँउमा गरिएका क्रुरहत्याको बिरुद्द संयुक्त राजनीतिक दलित संघर्ष समिती म्याग्दी र दलित युवासंजाल म्याग्दीको संयुक्त आयोजनामा असार १० गते म्याग्दीमा बृहत र्याली आयोजना गरिएको छ।
संयुक्त राजनैतिक दलित संघर्ष समिति केन्द्रको दोस्रो चरणको आन्दोलन स्वरुप म्याग्दीमा कार्यक्रमको आयोजना गरिएको संघर्ष समिती म्याग्दीका सल्लाहाकार टेकबहादुर बिकले मयुरपाटीलाई जानकारी दिए ।
रुकुम लगायत देशै भरी जातीयको आधारमा हत्या गरिएका नवराज विक, गणेश बुढा, सन्दीप विक, लोकेन्द्र सुनार, टिकारम सुनार, गोविन्द शाही, शम्भु सदा, अंगिरा पासीको स्वच्छ छानबिन गरि पिडकहरुलाई राज्यले कारबाही गर्नु पर्ने र पीडित परिवारहरुलाई न्यायसहित राहत को माग सहित कार्यक्रमको आयोजना गरिएकोले सबै न्याय प्रेमी युवा,बिधार्थी तथा आम जनसमुदायलाई उपस्थित हुनको लागी संयुक्त राजनितिक दलित संघर्ष समिती म्याग्दीका अध्यक्ष यामकिसानले अपील गर्नु भएको छ।
