- ट्रेण्डिङ :
हाल देशमा उल्लेखनीय मौसमी प्रणाली छैन।
मौसम पूर्वानुमान महाशाखाका अनुसार आज देशका पहाडी भूभागको मौसममा आंशिक बदली भएको छ । आज दिउँसो प्रदेश १ को मौसममा आंशिकदेखि सामान्य बदली रही बाँकी क्षेत्रमा मौसम सामान्यतया सफा रहनेछ।
प्रदेश १ को पहाडी क्षेत्रका एक वा दुई स्थानमा हल्का वर्षाको सम्भावना रहेको छ । आज राति प्रदेश १ र २ को मौसममा आंशिकदेखि सामान्य बदली रहनेछ ।
बिहीबार दिउँसो प्रदेश १ मा सामान्य बदली रहनेछ भने बाँकी प्रदेशका पहाडी भूभागमा पनि बदली रहनेछ । बिहीबार राति प्रदेश १ र २ का एक वा दुई स्थानमा हल्का वर्षाको सम्भावना छ ।
‘देशभर चिसो बढ्ने क्रममा रहेकोले चिसोबाट बच्ने आवश्यक सुरक्षा एवं सतर्कता अपनाउनु हुन अनुरोध छ,’ मौसम पूर्वानुमान महाशाखाले भनेको छ ।
