जातिय विभेद कहिले सम्म ?

दलित भएर देवताको दर्शन गर्न जाने भन्दै कुटपिट ,चार जना प्रकाउ

मयूरपाटी डिजिटल पत्रिका

भाद्र ४, २०७७ बिहिवार • १३:३७:२७ बजे

6.1K

दलित भएर देवताको दर्शन गर्न जाने भन्दै कुटपिट ,चार जना प्रकाउ

जातिय विभेद गरी कुटपिट गरेको आरोपमा प्रहरीले चारजनालाई पक्राउ गरेको छ । शुभकालिका गाउँपालिका ८ निवासी पदम कामीको २२ वर्षीय छोरा पंख विकलाई जातीय विभेद गरी कुटपिट गर्ने स्थानीय चारजनालाई पक्राउ गरिएको जिल्ला प्रहरी कार्यालय कालिकोटका प्रमूख डिएसपी श्यामबाबु ओलीयाले बताए ।

पक्राउ पर्नेमा शुभकालिका गाउँपालिका ५ निवासी २६ वर्षीया कमल शाही, २७ वर्षीय युवराज शाही, वडा नं। ६ निवासी २२ वर्षीय अर्जुन शाही, वडा नं। ८ बस्ने १९ वर्षीय दिनेश सेजुवाल रहेका छन ।उनीहरु विरुद्ध जातीय भेदभाव तथा कुटपिट मुद्धा दर्ता गरी जिल्ला अदालत कालिकोटबाट १५ दिन म्याद थप गरिएको छ । घटनाको बारेमा विस्तृतरुपमा अनुसन्धान सुरु गरिएको डिएसपी ओलीयाले बताए ।

शुभकालिका गाउँपालिका ७ मच्चेबारीमा रहेको मष्टो धवलपुराको मन्दिरमा साउन २६ गते पूजा पूजामा दर्शन गर्न जाँदा बीच बाटोमा दलित भएर देवताको दर्शन गर्न जाने भन्दै दुव्र्यवहार गरी कुटपिट गरेको डिएसपी ओलीयाले बताए ।

घाइते पंखका बुवा पदम विकले दिएको जाहेरिका आधारमा उनीहरुलाई पक्राउ गरिएको हो ।पीडित पंख विकको खुट्टा र शरीरका विभिन्न भागमा निल डामहरु देखिएका छन् ।