भाद्र ११, २०७७ बिहिवार
•
१३:५२:१६ बजे
स्वास्थ्य निर्देशनालय गण्डकी प्रदेशमा गरिएको परिक्षणमा बागलुङमा बिहिबार ८ जनामा कोरोना संक्रमण पुष्टी भएको छ । कन्ट्याक ट्रेसिङमा ४८ जना स्वाव परिक्षण गरिएकोमा बिहिबार ८ जनाको रिपोर्ट पोजेटिभ आएको हो ।
कोरोना भाइरस संक्रमण पुष्टि भएकाहरु बागलुङ नगरपालिका १ का २ जना, बानपा ३ का ३ जना, बानपा ६ का एक जना, बानपा ८ का १ जना र बानपा १० का १ जना रहेका छन् ।
आज बिहान गण्डकी प्रदेशमा थप २५ जनामा कोरोना पुष्टि भएको थियो । क्षयरोग उपचार केन्द्र र चितवन मेडिकल कलेजमा गरिएको परीक्षणमा ५ जिल्लाका २५ जनामा पोजेटिभ देखिएको हो ।
कोरोना पुष्टि हुनेमा पर्वतका १ , बागलुङका ८, तनहुँका ९, लमजुङका ४, नवलपुरका ३ जना छन् । योसहित गण्डकीमा कोरोना संक्रमितको संख्या १९ सय ७७ पुगेको छ । तीमध्ये १६ सय ६५ जना निको भएका छन् भने ९ जनाको मृत्यु भएको छ
