कोरोना भाइरस संक्रमितको संख्या ३५ हजार नाघेको छ । पछिल्लो २४ घन्टामा देशका विभिन्न ठाउँमा १ हजार १ सय ११ जनामा कोरोना संक्रमण भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका प्रवक्ता डा.जागेश्वर गौतमले पछिल्लो २४ घन्टामा थपिएका १ हजार १ सय ११ जनासहित देशभर संक्रमितको संख्या ३५ हजार ५ सय २९ जना पुगेको जानकारी दिए । संक्रमितमध्ये २० हजार ७३ जना निको भएर घर फर्किएका छन् भने १ सय ८३ जनाको ज्यान गएको छ ।
