- ट्रेण्डिङ :
कोरोना भाइरसको संक्रमणबाट ज्यान गुमाउनेको संख्या दैनिक बढिरहेको छ । पछिल्लो २४ घन्टामा देशका विभिन्न ठाउँमा १४ जनाको कोरोना भाइरसका कारण मृत्यु भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार कोरोनाबाट ज्यान गुमाउनेको संख्या नेपालमा २ सय २१ पुगेको छ । ज्यान गुमाउनेको संख्या काठमाडौं उपत्यकामा थप बढ्न थालेको छ।
काठमाडौंमा ७२ वर्षीया महिला,सुनसरीमा ७४ वर्षीया महिला र ६० वर्षीय पुरुष,बारामा ४७ वर्षीया महिला.महोत्तरीमा ६२ वर्षीया महिला, ७० र ३५ वर्षीय पुरुष,मोरङमा ६२ वर्षीय पुरुष.रौतहटमा ३० वर्षीय पुरुष,ललितपुरमा २९ वर्षीय,पुरुष,भक्तपुरमा ६५ वर्षीय पुरुष,नवलपरासीमा ६२ वर्षीय पुरुष,रुपन्देहीमा ५७ र ६७ वर्षीय पुरुष , नेपालमा कोरोना संक्रमितको संख्या पनि ३८ हजार नाघेको छ । पछिल्लो २४ घन्टामा विभिन्न जिल्लामा अहिलेसम्मकै धेरै १ हजार २ सय २१ जनामा कोरोना संक्रमण भएको मन्त्रालयले जनाएको छ ।
मन्त्रालयका प्रवक्ता डा.जागेश्वर गौतमले विभिन्न जिल्लामा थपिएका १ हजार २ सय २१ जनासहित देशभर ३८ हजार ५ सय ६१ पुगेको जानकारी दिए ।
संक्रमितमध्ये २० हजार ८ सय २२ जना निको भएर घर फर्किएका छन् भने कोरोनाबाट ज्यान गुमाउनेको संख्या २ सय २१ पुगेको छ ।
