शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
१७ भदौ, म्याग्दी । जिल्ला प्रहरी कार्यालय, म्यादीले कर्तव्य ज्यान मुद्दाका पाँच जना फरार प्रतिवादीलाई एकैदिनमा पक्राउ गरेको छ ।म्याग्दीको ओखरबोट–३, चिउरीबोटमा १० वर्षअघि २१ वर्षीय नारायण छन्तयालको हत्या भएको घटनामा संलग्न पाँच जना पक्राउ परेका हुन् ।
जिल्ला प्रहरी प्रमुख डीएसपी किरण कुँवरका अनुसार पक्राउ पर्नेमा मालिका गाउँपालिकाका बलमान घर्ती, जीवन घर्ती मगर, दुर्गाबहादुरघती, दलप्रसाद पुन र तत्कालीन रुम गाविस–५ का तिर्थेन्द्र घर्ती मगर छन् ।
शिवरात्रीको अवसरमा दार्जिङखोला युवा क्लब, ओखरबोटले आयोजना गरेको भलिबल खेलमा पराजित भएपछि छन्त्यालको हत्या गरिएको अनुसन्धानबाट खुलेको थियो ।
पक्राउ परेकाहरुलाई जिल्ला अदालत, म्याग्दीले २० वर्ष कैद सजायको फैसला सुनाएको थियो । दुर्गा र दल चाहिँ घटना भएका वेलाबालबालिका भएकाले आधा अर्थात् १० वर्ष कैद सजाय गर्न आदेश भएको थियो ।
