भाद्र २०, २०७७ शनिवार
•
१७:३०:११ बजे
गोेरखा नगरपालिका एक साताका लागि सिल गरिएको छ ।
कोरोना संक्रमितको संख्या बढ्न थालेसँगै शुक्रबार बसेको गोरखा जिल्लास्तरीय कमान्ड पोस्टको बैठकले एक साताका लागि नगरपालिका सिल गर्ने निर्णय गरेको हो । शनिबार दिउँसो १२ बजेदेखि २६ गते मध्यरात १२ बजेसम्म सिल गर्ने निर्णय भएको हो ।
निषेधाज्ञा जारी गरिएको समयमा अत्यावश्यकबाहेक अन्य सबै सेवा, यातायात, व्यापार–व्यवसायलगायतका सम्पूर्ण कार्यहरू नगर्न, नगराउनुहुनसमेत नगरपालिकाले अनुरोध गरेको छ ।
यो अवधिमा होटेल तथा रेस्टुरेन्ट, ब्युटिपार्लर, कपडा पसल, सैलुन, जिमखाना, हार्डवेयर पसल, सुनचाँदी, टेलरिङ, फुटपाथ, उद्याेग कलकारखाना सबै बन्द रहनेछ । तर, स्वास्थ्य, सुरक्षा, सञ्चार, विद्युत्, खानेपानी, औषधि पसल, खाद्यान्न पसल भने खुला रहने नगरपालिकाले जनाएको छ ।
