बाँके - बाँकेको कोहलपुरमा कोरोना संक्रमित सुत्केरीको निधन भएको छ । बाँकेको कोहलपुर स्थित नेपालगण्ज मेडिकल कलेजमा उपचाररत कञ्चनपुर महेन्द्रनगर १ निवासी २९ वर्षीय एक महिलाको आज बिहान ४ :३० बजेको समयमा निधन भएको हो ।
उनले एक छोरा र एक चूरी गरी जुम्ल्याहा शिशुलाई जन्म दिएकी थिइन। गर्भती भए देखीनै रक्तश्राव हुँदै आएको र सुत्केरी भएपछी पनि उक्च रक्तश्राव भएको त्यसपछि उनको पाठेघरको अपरेसनका साथै ८ पोका होल रगत र ४ पोका प्लेटलेट रगत दिइएको अस्पतालले जनाएको छ । ।
साथै कोरोना संक्रमणको आशंकामा ती महिलाको स्वाब परीक्षण गर्दा असोज १४ गते रिपोर्ट पोजेटिभ आएको थियो । कोरोना संक्रमण पुष्टि भएपछि उनलाई कोहलपुरस्थित नेपालगञ्ज शिक्षण अस्पतालमा उपचारका लागि रिफर गरिएको थियो । असोज १५ गते अपराह्न ४ बजे कोहलपुरमा भर्ना हुँदा उनी बेहोस अवस्थामा रहेको र रोगको प्रकृतिअनुसारका सबै उपचार गर्दागर्दै आज बिहान मृत्यु भएको अस्पतालले जारी गरेको प्रेस नोटमा उल्लेख छ ।
यससँगै बाँके जिल्लामा कोरोना संक्रमणबाट मृत्यु हुनेको संख्या ९ पुगेको छ ।
