- ट्रेण्डिङ :
कुवेत — कुवेतमा कार्यरत किरात समुदायले यक्वा तङ्नाम, साकेला उभौली र सालिवा श्यादर पिदार आगामी १६ मे २०२५ मा मनाउने भएका छन ।
किरात याक्थुङ चुम्लुङ कुबेत, किरात राइ यायोखा कुबेत र सुनुवार सेवा समाज कुबेतले किरात समुदायको महान सांस्कृतिक पर्वहरू यक्वा तङ्नाम, साकेला उभौली र सालिवा श्यादर पिदार संयुक्त रुपमा भव्यताका साथ मनाउने तयारी गरेका हुन ।
उक्त अवसरमा नेपालबाट अतिथि कलाकार सहित सांस्कृतिक कार्यक्रम समेत आयोजना गरिने आयोजकले जनाएको छ । कार्यक्रमलाई सफल र सबै समुदायको सहभागितायोग्य बनाउन अन्य सम्पूर्ण संघ–संस्थाहरुलाई सोही दिन कुनै पनि कार्यक्रम नजुधाउन समेत अनुरोध गरेका छन ।
कार्यक्रमको स्थान र अतिथि कलाकारहरूको विस्तृत विवरण केही दिनमै सार्वजनिक गरिने आयोजकले जानकारी दिएका छन । किरात समुदायको पहिचान, संस्कृति र एकता झल्किने यो पर्व हरेक वर्ष कुबेतमा विशेष महत्वका साथ तीन किराती सस्थाले संयुक्त रुपमा मनाउदै आएका छन ।
