- ट्रेण्डिङ :
कुवेत — नेपाल परोपकार समाज कुवेतको चौथो अधिवेशन तथा पाँचौं साधारण सभा आगामी ८ अगष्ट २०२५ मा हुने भएको छ ।
उक्त मितिमा अन्य संघसंस्थाले कार्यक्रम नजुधाउन समेत अनुरोध गरेको छ । कुवेतस्थित खैतानको राजधानी होटलमा हुने कार्यक्रममा सबै नेपाली संघसंस्था, प्रतिनिधिहरू, समाजसेवी, पत्रकार तथा शुभेच्छुकहरूलाई विशेष आमन्त्रण गरिने आयोजकले जनाएको छ ।
आप्रवासी नेपाली श्रमिकहरूको सेवामा समर्पित संस्था नेपाल परोपकार समाज कुवेतको स्थापना सन् २०२० मा धिरेन्द्र राज सुवेदीको अध्यक्षतामा स्थापना भएको थियो । संस्थाले स्थापना देखिनै सामाजिक सेवामा सक्रिय भूमिका निभाउँदै आएको छ । हालसम्म समाजले करिब ८०० भन्दा बढी पीडित नेपाली कामदारहरूको उद्धार गरी स्वदेश फिर्ता गराउन महत्वपूर्ण योगदान पुर्याएको छ । साथै संस्थाले आगामी अधिवेशन सफल र सर्वसमावेशी बनाउन सबैको सहयोग र उपस्थितिको अपेक्षा गरेको छ ।
