- ट्रेण्डिङ :
कुवेत - नेपाली जनप्रगतिशील मोर्चा कुवेतले आर्थिक सहयोग गरेको छ । मंगला गाउपाँलिका -५ , म्याग्दीका विवश विश्वकर्माको परिवारलाई रु. २० हजार र बन्दीपुर -३, सेरेटार तनहुँकी क्यासर पीडित पबित्रा बिकलाई रु. १० हजार आर्थिक सहयोग गरेको हो ।
वैदेशिक रोजगारीको शिलशिलामा रोमानीया पुगेका विवशको सडक दुर्घटनामा परी निधन भएको थियो । मृतकको घरको आर्थिक अवस्था नाजुक भएकाले संगठनका पदाधिकारीहरुबाट आर्थिक सङ्कलन गरी सहयोग गरिएको अध्यक्ष शेर सुनारले जानकारी दिएका छन । नेत्रविक्रम चन्द 'विप्लव' नेतृत्व नेपाल कम्युनिस्ट पार्टी (नेकपा) म्याग्दीका इन्चार्ज धुर्व घिमिरेले उक्त सहयोग रकम हस्तान्तरण गरेका थिए ।
त्यस्तै बिगत लामो समयदेखी क्यान्सर रोगबाट ग्रसित पबित्रा बिकको पनि घरको आर्थिक अवस्था दयनीय भएकाले उपचारमा समेत समस्या भईरहेको छ । मोर्चाले उनको उपचारार्थ उक्त रकम सहयोग गरेको हो ।
मोर्चाले सातौ बैठक सम्पन्न गर्दै कुवेतमा कार्यरत नेपाली श्रमिकहरुलाई मोर्चामा आबद्द हुन समेत अनुरोध गरेको छ । त्यस्तै कुवेतमा केही दिन यता मेथानोल मिसावट विषाक्त मदिराका कारण ज्यान गुमाउने प्रति श्रध्दाञ्जली अर्पन गर्दै अस्पतालमा उपचाररत बिरामीहरुको शीघ्र स्वास्थ्य लाभको कामना गरेको छ ।
मोर्चाले कुवेतमा कार्यरत नेपाली श्रमिकहरुलाई विषाक्त मदिरा नपिउन साथै कुवेतमा प्रतिबन्ध रहेको मदिरा उत्पादन गरि विक्रि वितरण गर्ने जस्ता गलत कार्य नगर्न समेत अनुरोध गरेको छ ।
