- ट्रेण्डिङ :
कुवेत - निरेम ग्रुप अफ कम्पनी अन्तर्गतको निरेम प्रोडक्सनद्वारा आगामी डिसेम्बर १२ मा आयोजना हुने भनिएको “निरम म्युजिक फेस्ट २०२५” अर्को सूचना नआएसम्मका लागि स्थगित भएको छ ।
नेपालमा गत ८ र ९ सेप्टेम्बरमा जेनजी द्वारा भएको आन्दोलन र त्यसका अल्पकालीन तथादीर्घकालीन असर, साथै स्वदेशमा विद्यमान पीडादायी अवस्थालाई मध्यनजर गर्दै उक्त निर्णय गरिएको हो ।
प्रोडक्सनका प्रमुख प्रेम जिमीका अनुसार करिब ५० प्रतिशत तयारी पूरा भइसकेको भए पनि, नेपालको विषम परिस्थिति र आगामी छ महिनाभित्र अन्तरिम सरकारले निर्वाचन सम्पन्न गर्नु पर्ने बाध्यतापूर्ण अवस्थाका कारण यो कदम चाल्नुपरेको हो।
यसअघि निरम प्रोडक्सनले सन् २०२३ र २०२५ मा दुईवटा भव्य संगीत समारोह सफलतापूर्वक सम्पन्न गरिसकेको छ ।
