- ट्रेण्डिङ :
कुवेत - नेपाल कुवेत सरोकार समाजले नेपाली हिपहप क्षेत्रका गायक एवम् नेपाली र्यापर समीर घिसिङ (भिटेन) लाई सांगीतिक प्रस्तुतिका लागि कुवेत ल्याउने तयारी गरेको छ ।
समाजको आगामी मार्च २० तारिख हुने छैटौं वार्षिक सांगीतिक धमाकामा भिटेनले कुवेतमा रहेका नेपालीलाई सांगीतिक प्रस्तुति मार्फत मनोरन्जन दिने भएका हुन् । भिटेनसंगै स्थानीय कलाकारको समेत बेजोड सांगीतिक प्रस्तुति रहने आयोजकले जनाएको छ ।
जलिबस्थित एस्पायर इन्डियन स्कुलको हलमा दिनको २ बजेदेखि कार्यक्रम हुने छ । समाजले विगतका वर्षमा भएका सांगीतिक कार्यक्रम भन्दा पनि उत्कृष्ट सांगीतिक कार्यक्रम आयोजना गर्ने तयारी गरेको छ । परदेशमा दिनभरिको थकाइ र न्यास्रो मेट्न संगीत प्रेमीहरुका लागि सांगीतिक उत्सवहरू आयोजना गरि संगीतको माध्यमबाट मनोरञ्जन र ऊर्जा प्रदान गर्न यो कार्यक्रम आयोजना गर्न लागिएको आयोजकले जनाएको छ।
परदेशमा पनि नेपाली कला, गला, सस्कृतिको संक्षण र प्रर्वद्दन गर्ने उदेश्यले आयोजना हुने यस्ता कार्यक्रमहरूले पुराना कलाकार लाई सम्मान र नयाँ प्रतिभालाई प्रस्फुटन हुने अवसर दिनेछ । कार्यक्रममा कुवेतस्थित नेपाली संघ-संस्था लगायत नेपाली समुदायको बाक्लो उपस्थिति रहने अपेक्षा गरिएको छ ।
