- ट्रेण्डिङ :
बागलुङ - बागलुङ सेवा समाज कुवेतले तमानखोला गाउँपालिका-३ स्थित बालगृहका बालबालिकाहरुलाई रु २० हजार बराबरको खाद्यान्न सहयोग प्रदान गरेको छ।
गाउँपालिकाका अध्यक्ष झक बहादुर बुढा मगरको उपस्थितिमा एक विशेष कार्यक्रम आयोजना गरिएको थियो । कार्यक्रममा बागलुङ सेवा समाजका वरिष्ठ उपाध्यक्ष विकास मगरले बालगृहमा बस्ने बालबालिकाहरुलाई खाद्यान्न वितरण गर्दै भने, “रोजगारीको सिलसिलामा कुवेतमा रहेका बागलुङेलीहरूले आफ्नो जन्मभूमिका बालबालिकाप्रति सहयोगको हात अघि बढाउनु पर्छ। विदेशमा रहेका हामीले पनि गाउँका बालबालिकाको हेरचाहमा योगदान गर्नुपर्छ" ।
बालगृहमा रहेका बालबालिकाहरूले सहयोगप्रति खुशी व्यक्त गर्दै समाजप्रति धन्यवाद दिएका छन् । बालगृहका संचालकले समयमै प्राप्त भएको सहयोग उपयोगी रहेको बताए ।
