- ट्रेण्डिङ :
काठमाडौं – नागरिक एपले सवारी चालक अनुमतिपत्र (ड्राइभिङ लाइसेन्स) को प्रिन्ट भएको / नभएको स्थिति थाहा पाउन सेवाग्राहिहरूका लागि नया सुविधा ल्याएको छ । अब सेवाग्राहीहरूले यातायात कार्यालयमा धाउन नपर्ने भएको छ । यो सेवाले उनीहरूको समय बचत गर्ने अपेक्षा गरिएको छ ।
नागरिक एपको हालको अपडेटमा सवारी चालक अनुमतिपत्रको विशेष सेक्सन थप गरिएको छ । प्रयोगकर्ताले एपमा गएर आफ्नो लाइसेन्सको पछिल्लो अवस्थाबारे जानकारी लिन सक्नेछन् । यदि कार्ड छापिसकेको छ भने एपमा “तपाईंको सवारी चालक अनुमतिपत्र छापिएको छ, कृपया सम्बन्धित कार्यालयबाट लिनुहोस्” भन्ने सन्देश देखिनेछ।
तर कार्ड नछापिएको खण्डमा कुनै सूचना उपलब्ध हुनेछैन।
यो सुविधा थप्नुले सेवाग्राहीलाई सजिलो बनाउने भएको छ । अब तिनीहरूले धेरै समय बचत गर्दै आफ्नो लाइसेन्सको जानकारी सरल तरिकामा लिन सक्ने छन । नागरिक एपका प्रयोगकर्ताले यो सुविधाको लागि आफ्ना मोबाइलमा यो एप डाउनलोड गर्नुपर्नेछ। एपका माध्यमबाट प्राप्त गरिएको जानकारीले सेवाग्राहीलाई लाइसेन्स थाहा पाउने प्रक्रिया सहज बनाउँछ ।
नयाँ लाइसेन्सका लागि आवेदन दिनेलाई राजस्व तिरेको सक्कल रसिद र नवीकरण गर्नेलाई पुरानो लाइसेन्स कार्ड अनिवार्य रूपमा बुझाउनु पर्ने व्यवस्था गरिएको छ । यो नयाँ सुधारले डिजिटल सेवाहरूको प्रयोगलाई बढावा दिने मात्र होइन, प्रशासनिक प्रक्रियामा समेत धेरै सुधार ल्याउने अपेक्षा गरिएको छ ।
सेवाग्राहीहरूले अब कागजात लिएर कार्यालय धाउनु पर्ने झन्झटबाट मुक्त हुनेछन्, जुन समग्रमा नागरिकहरूको जीवनस्तरमा सकारात्मक प्रभाव पार्ने विश्वास गरिएको छ।
