- ट्रेण्डिङ :
मयूरपाटी - म्याग्दीमा ट्याक्टर दुर्घटना हुँदा एक जनाको ज्यान गएको छ ।
म्याग्दीको बेनी नगरपालिका–४ थामडाँडामा मंगलबार राति करिब ११ बजे मंगला गाउँपालिकाको बरंजाबाट बेनीतर्फ जादै गरेको ना ७ त ४०४६ नंको ट्याक्टर दुर्घटना हुदाँ बेनपा-५ पुरुण्डीका चालक रमेश भन्ने रेशम दर्जीको मृत्यु भएको जिल्ला प्रहरी कार्यालयले जनाएको छ ।
म्याग्दीको मंगला गाउँपालिका बरंजाबाट ट्याक्टरमा चालक दर्जी एक्लै आउने क्रममा दुर्घटना भएको प्रहरीले जनाएको छ । कच्ची सडकमा तीव्र गति र वर्षाको कारण चिप्लो सडक भएकोले दुर्घटना भएको अनुमान गरिएको छ ।
सडक देखी ट्याक्टर करिब ३० मिटर तल खसेको छ । ट्याक्टर चालक दर्जीको शब पोष्टमार्टमका लागि बेनी अस्पतालमा ल्याइएको छ ।
