शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
मयूरपाटी - बारा जिल्लामा चट्याङ लागेर ४ जना महिलाले ज्यान गुमाएका छन भने पाँच जना घाइते भएका छन । चट्याङकै कारण रौतहट जिल्लाको एक घरमा पनि लाखौँको क्षती भएको छ । बाराको कलैया उपमहानगरपालिका वडा नम्बर १२ शीतलपुर र फेटा गाँउपालिका वडा नम्बर १ मा वर्षासँगै परेको चट्याङ लागेर ४ जनाको ज्यान गएको छ ।
शीतलपुरस्थित खेतमा रोपाइँ गरिरहेको बेला ३५ वर्षीया आशादेवी महतो र ४५ वर्षीया हलिमा खातुनको चट्याङ लागेर मृत्यु भएको बारा प्रहरीले जनाएको छ । त्यसैगरी फेटा गाँउमा एउटा घरमा चट्याङ लाग्दा एकै घरका ३० वर्षीया ईन्दु देवी महतो र ४० वर्षीया सुनारपति देवी महतोको घटानस्थलमै मृत्यु भएको प्रहरीले बताएको छ । चट्याङ लागेर घाइते भएका फेँटाका ५ जनालाई कलैया अस्पताल लगिएको छ ।
रौतहटको कटहरिया ५ बजारमा कृपाशंकर यादवको घरमा चट्याङ लागेर लाखौँ बराबरको क्षति भएको छ । चट्याङ लागेर घरमा रहेको एकथान एलिडि टिभी, कम्प्युटर, राउटरलगायत लाखौँ बराबरको सामान पूर्णरुपमा क्षति भएको पीडित यादवले बताएका छन् ।
