मयुरपाटी बादल शाही ।पर्वत जिल्लाको जलजला २ र ३ मा पर्ने बगरफाँटका युवाहरु क्यान्सर पीडितलाई सहयोग संकल गर्न स्वस्फूर्त रुपमा संगठित भएका छन् । बिगत ३ वर्षदेखि घाँटी र छातीको क्यान्सरले ग्रसित म्याग्दी अन्नपूर्ण गापा ५ पाउदार का प्रसाद दमाई आर्थिक अभावको कारण रोगले थला परेपछि उनको उपचारको लागि युवाहरु संगठित भएका हुन् ।
"बगरफाँट युवा परिवार पर्वत" नामाकरण गर्दै किसान बिस्वकर्मा, संगिता सापकोटा र बादल शाही पीडितको लागि तयार पारिएको ब्यानर र अडियो, साउन सिस्टममा गुन्जाउदै हिंड्न थालेपछी एकाएक समाजका हरेक मान्छेहरु जमातमा थपिदै गए । समाजका समाजसेवी, अभियान्ता, बुद्धिजीवी महिला, पुरुष युवाहरु एकएक थपिए र सहयोग संकलन सुरु भयो स्थानीय बगरफाँट पर्वत मा ।
१५/२० जनाको जमात पुरै बगरफाँट घुमेपछी केहीबेरमै जम्मा भएको रु. ४६४६० (छयालीस हजार चार सय साठी रुपैयाँ) पिडितलाई हस्तान्तरण गरेका छन् । अभियान जारी रहने र देश बिदेशमा रहेका मनकारीहरुलाई सहयोगको लागि आह्वान गर्दै संयोजक किसान बिस्वकर्माले सहयोग दाताहरुलाई धन्यवाद दिनु भयो ।
मर्दा र पर्दा युवाहरु संगठित हुनैपर्ने र समाजको हरेक काममा युवाहरुको भुमिका प्रमुख रहने कुरा स्थानीय अगुवा हिराबहादुर बरुवाल बताउनुहुन्छ । "दुख पर्दा र बिमार पर्दा संगठित भएर एक अर्कोलाई सहयोग गरेर बचाउने हामी नेपालीहरुको यस्तो संस्कार राम्रो हो" उहाँले भन्नू भयो । बरु आर्थिक अवस्था नाजुक हुँदासाथ पीडालाई पालेर सामाजिक रुपमा भन्न लाज मान्नुको सट्टा सामाजिक रुपमा समयमा नै पीडितको परिवारले सहयोग आह्वान गरेमा रोगी बाँच्न सक्ने बरुवालले बताउनु भयो ।
