- ट्रेण्डिङ :
रौतहटको माधवनारायण नगरपालिकामा गोली प्रहार गरी युवतीको हत्या भएको छ । लौकाहामा गएराति गोली प्रहारबाट एक युवतीको ज्यान गएको प्रहरीले जनाएको छ ।
गोली लागेर १८ वर्षीय युवती अमृताकुमारी शाहको निधन भएको जिल्ला प्रहरी कार्यालय रौतहटले जनाएको छ । उनको टाउकोमा गोली लागि मृत्यु भएको अवस्थामा शव भेटिएको हो ।
शाहको गत फागुनमा सर्लाहीका रुपेश शाहसँग विवाह भएको थियो । घरमा श्रीमानसँग सम्बन्ध राम्रो नभएपछि उनी माइतमा बस्दै आएकी भिइन् ।
घटनाको जानकारी पाएलगत्तै जिप्रका रौतहटको टोलीले घटनास्थलमा पुगी अनुसन्धान सुरु गरेको छ । अनुसन्धानमा कुकुरसमेत प्रयोग गरिएको प्रहरीले जनाएको छ ।
