पोखरा - कास्कीमा थप दुई जना कोरोना संक्रमित महिलाको मृत्यु भएको छ ।
पोखरा महानगरपालिका-१४ की ६७ वर्षीय महिलाको उपचारका क्रममा बिहीबार राति २ बजे मृत्यु भएको हो ।
महिला यही कात्तिक २१ गते पोखरा स्वास्थ्य विज्ञान प्रतिष्ठानको कोभिड-१९ उपचार केन्द्रमा भर्ना भएकी थिइन् ।
यसै गरी अर्का महिला पोखरा महानगरपालिका १५ की ५४ बर्षिय महिलाको पनि मृत्यु भएको छ । उनलाई एक दिन अघि २६ गते मात्र कोरोना पुष्टि भएको थियो ।
दुबैको उपचारको क्रममा मृत्यु भएको प्रतिष्ठानका निर्देशक सह प्राध्यापक डाक्टर अर्जुन आचार्यले जानकारी दिए ।
