पोखरामा थप तीन जना कोरोना संक्रमितहरुको निधन

आश बहादुर गुरुङ्ग

मंसिर ४, २०७७ बिहिवार • १४:०२:३१ बजे

2.4K

बिहिवार पोखरामा थप तीन जना कोरोना संक्रमितहरुको निधन भएको छ । स्वास्थ्य निर्देशानलय गण्डकी प्रदेशका अनुसार निधन हुनेमा २ महिला र एक पुरुष छन ।

पोखरा महानगरपालिका १७ की ७५ वर्षीया महिला,वडा ९ की ८३ वर्षीया महिला र लमजुङ बेँसीशहर नगरपालिका ५ का ७१ वर्षीय संक्रमित पुरुषको मृत्यु भएको हो।

पोखरा महानगरपालिका १७ की ७५ वर्षीया संक्रमित महिलालाई २४ गते कोरोना पुष्टि भएको थियो। उनलाई निमोनिया, उच्च रक्तचाप र मधुमेह जस्ता दीर्घरोगी थिइन्। उनको आज बिहान पौने ४ बजे गण्डकी मेडिकल कलेजमा मृत्यु भएको हो।

सोही नगरपालिका ९ की ८३ वर्षीय संक्रमितलाई २५ गते कोरोना पुष्टि भएको थियो। उनलाई पनि उच्च रक्तचाप, दमको समस्या र निमोनिया रहेको थियो। उनको फिस्टेल हस्पिटल तथा रिसर्च सेन्टर प्रालिमा आज बिहान साढे ७ बजे मृत्यु भएको अस्पतालले जनाएको छ।

त्यसैगरी, बेँसीशहर नगरपालिका ५ का ७१ वर्षीय पुरुषलाई २८ गते कोरोना पुष्टि भएको थियो। मृतक पुरुषमा दीर्घ रोग निमोनिया र गम्भीर अवस्थाको हेपाटाइटिस थियो। बिहान पोखरा स्वास्थ्य विज्ञान प्रतिष्ठानमा ३ गते बेलुका पौने ७ बजे मृत्यु भएको हो।यो सँगै कास्कीमा कोरोना संक्रमणका मृत्यु हुनेको संख्या ३७ पुगेको छ।