मंगलबार राति ९ बजेदेखि सम्पर्कबिहीन भएका ईलाका प्रहरी कार्यालय मालाखेती, कैलालीका प्रहरी नायव उपरीक्षक (डीएसपी) भरतबहादुर चौधरी युवतीसँग होटलमा फेला परेका छन्।
मंगलबार राति डयुटीबाटै सम्पर्कबिहीन भएका डीएसपी चौधरी बुधबार बिहान कैलालीकै बुढीतोलाको एक होटलमा युवतीसँग फेला परेका स्रोतले बतायो।
रातिको समयमा ड्युटीमै रहेका डीएसपी सम्पर्कविहीन भएपछि जिल्ला प्रहरी कार्यालयले ठूलो मात्रामा प्रहरी परिचालन गरी खोजी गरेको थियो।
सूदुरपश्चिम प्रदेश प्रहरी कार्यालयले भने डीएसपी चौधरी आफैँ सम्पर्कमा आएको बताएको छ। कार्यालयका प्रवक्ता एसएसपी मुकेश सिंहले डीएसपी चौधरी बुधबार बिहान गोदावरी नगरपालिकाबाट सम्पर्कमा आएको बताए।
उनले डीएसपी चौधरीलाई जिल्ला प्रहरी कार्यालयमा झिकाइएको बताए। ‘उहाँलाई अहिले जिल्ला बोलाइएको छ, बाँकी कुरा अनुसन्धानपछि थाहा हुन्छ’, एसएसपी सिंहले भने। डीएसपी चौधरीलाई जिल्ला प्रहरी कार्यालयमै राखेर अनुसन्धान सुरु गरिएको उनले जानकारी दिए।
मोटरसाइकल चालक गोदावरी नगरपालिका–४ बस्ने २२ वर्षीय अर्जुन चौधरी र मोटरसाइलकमा सवार २४ वर्षीय प्रेम चौधरी दुर्घटनामा गम्भीर घाइते भए।
दुर्घटना भएपछि जिल्ला प्रहरी कार्यालय कैलालीबाट इलाका प्रहरी कार्यालय मालाखेतीका इञ्चार्ज तथा प्रहरी नायव उपरीक्षक भरत चौधरीको खोजी सुरु भयो। उनी सम्पर्कमा आएनन्। गम्भीर घाइते भएका अर्जुनको उपचारका क्रममा मृत्यु भयो र पनि प्रहरी नायव उपरीक्षक चौधरी सम्पर्कमा आएनन्। इलाका प्रहरी कार्यालयका इञ्चार्ज नै सम्पर्कविहिन भएपछि रातारात कैलाली प्रहरीमा हल्लाखल्ला भयो।
डिएसपीनै सम्पर्कविहिन भएपछि कैलालीका प्रवक्ता तथा प्रहरी नायव उपरीक्षक प्रतिक विष्टको नेतृत्वमा र प्रदेश प्रहरी कार्यालयबाट छुट्टाछुट्टै टोली राति नै परिचालन गरियो।
स्रोतका अनुसार डिएसपी चौधरी आज बिहान बुढितोलाको एक होटलमा युवतीसँग रंगेहात फेला परे। उनी मोटरसाइकलमै बुढीतोला गएको खुल्नमा आएको छ।
