आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
पोखरा- पोखराको अंमरसिह चोकबाट सवारी लाइसेन्स बनाइदिन्छु भन्दै ठगी गरेको आरोपमा एक पुरुष पक्राउ परेका छन् ।
कास्की प्रहरीले स्याङ्जा जिल्ला वालिङ नगरपालिका-१ घरभई हाल पोखरा-१४ चाउथे बस्ने ४९ वर्षीय खगेन्द्रप्रसाद काफ्लेलाई पोखराको अमरसिंहबाट प्रहरीले पक्राउ गरी आइतबार सार्वजनिक गरेको हो ।
यातायात कार्यालयको कर्मचारीसँग चिनजान छ, ट्रायल तथा टेष्टमा फेल भएपनि सजिलै लाइसेन्स निकालिदिन्छ भन्दै विभिन्न व्यक्तिसँग उठाएको कागजात, लाइसेन्स तीन थान, विभिन्न नमूना प्रश्नपत्र, २ थान मोवाइल र नगद ८९ हजार ६ सय २० रुपैयाँ काफ्लेको साथबाट बरामद गरिएको प्रहरीले जनाएको छ ।
काफ्ले यस अघि पनि यातायातका एक कर्मचारीलाई घुस दिने क्रममा पक्राउ परेका थिए । मेट्रो ड्राइभिङ स्कूल एण्ड प्रि टेष्ट सेन्टर प्रालिका संचालक समेत रहेका खगेन्द्रलाई कानूनी कारवाही अगाडि वढाइएको जिल्ला प्रहरी कार्यालय कास्कीका प्रहरी नायव उपरीक्षक एवं प्रवक्ता सुवास हमालले जानकारी दिनुभयो ।
काफ्लेलाई ठगी सम्बन्धी कसूर अन्तर्गत १० दिन म्याद थप गरी अनुसन्धान शुरु गरिएको छ ।
