- ट्रेण्डिङ :
पोखरा - पोखरा २६ अघौंचोकमा बिहीबार बिहान मोटरसाइकल र स्कुटर ठक्कर खाँदा तीन जना घाइते भएका छन् ।
पोखराबाट तालचोक जाँदै गरेको ग१८प १८६० नं को स्कुटर र सोही दिशातर्फ जाँदै गरेको ग१६प ८५३२ नं को मोटरसाइकल एक आपसमा ठक्करखाँदा मोटरसाइकल चालक पुरुष र स्कुटरमा सवार दुइ महिला घाइते भएका हुन् ।
घाइते हुनेमा मोटरसाइकल चालक पोखरा-१४ निवासी ४० वर्षीय कृष्णप्रसाद सापकोटा, र स्कुटर चालक पोखरा-२६ बुढीबजार निवासी ३९ वर्षीया बिष्णु महत र स्कुटरको पछाडि सवार पोखरा-२६ बुढीबजार निवासी २५ वर्षीया उर्मिला थापा रहेको जानकारी गण्डकी प्रदेश प्रहरी कार्यालयले जनाएको छ ।
घाइते सापकोटाको लेखनाथ सिटी अस्पताल र बिष्णु र उर्मिलाको मेट्रोसिटी अस्पताल पोखरामा उपचार भइरहेको प्रहरीले जनाएको छ ।
