- ट्रेण्डिङ :
पोखरा -बिहीबार पोखरा लेकसाइड स्थित वसुन्धरा पार्कमा बिहान एक युवा मृत अवस्थामा भेटिएका छन् ।
पोखरा ६ स्थित वसुन्धरा पार्कमा अन्दाजी २०२२ वर्षका युवक मृत अवस्थामा भेटिएका हुन । जिल्ला प्रहरी कार्यालय कास्कीका प्रहरी नायब उपरीक्षक एवं प्रवक्ता सुवास हमालका अनुसार बिहान ६:५० बजे युवा मृत फेला परेको बताए ।
मृतकको नजिकै माछा मार्ने विषको बोतल फेला परेकोले मृतकले आत्महत्या गरेको पनि हुनसक्ने प्रहरीको प्रारम्भिक अनुसन्धानमा रहेको हमालले बताए ।
युवक पार्क भित्र अचेत अवस्थामा भेटिएपछि स्थानीयले प्रहरीलाई खबर गरेका थिए । मृतक युवकको हालसम्म पहिचान खुल्न सकेको छैअन ।
मृतकको शव पोस्टमार्टमका लागि पोखरा स्वास्थ्य विज्ञान प्रतिष्ठान अन्तर्गतको पश्चिमाञ्चल क्षेत्रीय अस्पताल पठाइएको छ ।
घटनाको बारेमा अनुसन्धान भइरहेको प्रहरीले जनाएको छ ।
