शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
पोखरा - शुक्रबार पोखरामा लागुऔषध सहित एक युवक पक्राउ परेका छन् ।
पोखरा-२७ डाँडाकोनाकमा चेकजाँच गर्ने क्रममा नारायणगढबाट बागलुङतर्फ जाँदै गरेको ग१ख ७८८३ नं को बसबाट लागुऔषधसहित पर्वत कुश्मा नगरपालिका-३ बडडाँडा निवासी २२ वर्षीय मनोज कुँवर पक्राउ परेका हुन् ।
उनले बोकेको झोलाभित्र पत्रिकामा टेपले बेरेर राखेको अवस्थामा डाइजापाम ३४ एम्पुल, फेनारगन ३४ एम्पुल र नर्फिन ३४ एम्पुल बरामद गरिएको गण्डकी प्रदेश प्रहरी कार्यालय पोखराका प्रहरी वरिष्ठ उपरीक्षक मोहन प्रसाद पोखरेलले जानकारी दिनुभयो । घटनाका बारेमा अनुसन्धान भइरहेको छ ।
