- ट्रेण्डिङ :
काठमाडौं - काठमाडौं महानगरपालिका-४ सुकेधारास्थित आयुष डान्सबारबाट नक्कली नेपाली रूपैयाँ सहित २ जनालाई पक्राउ गरेको छ ।
पक्राउ पर्नेहरुमा काठमाडौं बौद्ध बस्ने सिन्धुपाल्चोक गोल्चे गाउँपालिका-३ घर भएका २१ वर्षीय बिजय तामाङ र सिन्धुपाल्चोक बाह्रबिसे गाउँपालिका-४ घर भई काभ्रे बनेपा बस्ने ३० वर्षीय धुर्ब श्रेष्ठ रहेका छन् ।
महानगरीय प्रहरी वृत्त महाराजगंजबाट खटिएको प्रहरीले उनीहरुलाई १ हजार दरका १ सय ६३ थान गरी जम्मा १ लाख ६३ हजार नक्कली नोट सहित डान्सबारमा फेला पारी पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।
