- ट्रेण्डिङ :
ललितपुर - गएराति ललितपुरको नख्खुदोबाटोमा कन्टेनरले मोटरसाइकललाई ठक्कर दिदाँ एक जनाको ज्यान गएको छ भने एक जना घाइते भएका छन् ।
आइतबार राति ९ बजे ना २ ख ७५८३ नम्बरको कन्टेनरले प्रदेश नम्बर ३ ०२० १८ प ८३६९ नम्बरको मोटरसाइकललाई ठक्कर दिँदा मोटरसाइकल चालक कास्की घर भई ललितपुरको बागडोल बस्ने ३७ वर्षका गणेशप्रसाद अधिकारीको ज्यान गएको हो ।
मोटरसाइकलको पछाडि बसेका ललितपुर शोभाहिटीका ३२ वर्षका रवि श्रेष्ठ घाइते भएका छन् । उहाँको नर्भिक अस्पतालमा उपचार भइरहेको छ । कन्टेनर चालक र कन्टेनरलाई प्रहरीले नियन्त्रणमा लिएको छ ।
