- ट्रेण्डिङ :
पोखरा- पोखरामा मोटरसाइकल दुर्घटना हुदाँ एक जना पुरुषको निधन भएको छ भने अर्का पुरुषको निधन भएको छ ।
मंगलबार पोखरा सराङकोट सडक खण्ड स्थित गुम्बा नजिकै सराङकोटबाट पोखरा तर्फ आउँदै गरेको ग१८प ४८१४ नं. को मोटरसाइकल आफैँ अनियन्त्रित भई दुर्घटना हुँदा पर्वत कुस्मा ७ चुवाका ३२ वर्षीय माधव गिरीको ज्यान गएको हो ।
मोटरसाइकल अनियन्त्रित भई सडकबाट अन्दाजी ५० मिटर घस्दा गम्भीर घाइते भएका माधवलाई उपचारको लागि सहारा अस्पताल पठाइएकोमा उपचारको क्रममा मृत्यु भएको गण्डकी प्रदेश प्रहरी कार्यालयले जनाएको छ ।
मोटरसाइकलको पछाडि सवार चुवाका ३२ वर्षीय गोविन्द गिरीको फिस्टेल अस्पताल पोखरामा उपचार भइरहेको छ ।गोविन्दको अवस्थामा मध्यम रहेको प्रहरीले जनाएको छ ।
